Temajtilistli uan panolistli pan seyok nemilistli tlen tlakayopachtsitsi uan tlakayokuetlaxtli
Nopa temajtilistli tlen tlakayopachtli, kitstoke ke kipiya miaj ipatijka pan tlapatilistli, pampa kinchikaua katli kokoya pan se initlakayopacho, pampa ueli kitlalilia seyok tlakayopachtli tlen katli se maseuali ya onnixpoli.
Mochiua ni tlamantli kema temajtilia tlakayopachtli, tlen maseualmej katli onmijke o kema temaka ininnemilistipa.
Kitosnejki kema temajtilia se o miaj itlakayopacho se masewali katli ya onmijki uan kipanoltilia katli kokoyaj se maseuali pan itlakayopacho, uan kino kiyankuilia nopa tlakayopachtli pan koyotlapatilistli.
Pan ni tlaltepajtli eltok se sentilistli tlen katli kiyakana koyotlapajtilistli, ya tlajtoua uan kinejki ma kimoyauaka tlajtolik tlen
temajtilise nopa tlakayopachtli tlen se masewali katli ya onpoli o se maseuali ipajkapa temajtiliski se itlakayopachok.
Katli temajtilia nopa tlakayopachtli kitosnejki tlapaleuiya uan kichikaua se kokolistli katli kipia se masewali pan itlakayopajcho uan kiyankuilia ika seyok tlakayopachtli katli kipixtoyak se maseuali tlen onpolijki, uan nojkia katli tlanaui pan inintlakayopachok uelis kiselise pan imelajkapa tlen ni tlapaleuilik.
Pan ni mexko tlalik uan pan nochi tlaltepajtli mouika uan mochiua nopa panolistli tlen tlakayopachtli, amo monejki kitlaxtlauise ika tomin tlen katli temaka se o miaj itlakayopachok, pampa kiampa tlajtotok pan eyi amatlanauatilik tlanechikoli tlen sentilistli tlaltepajtipa tlen ueyi koyotlapajtilistli.
Ke pan ni mexko tlalik, nopa temajtilistli tlen talakayopachtli mochitiuala nepa tlen xiuitl expouali.
Katli tsontekonmiki . Ya uelis temajtiliski imiyotika, ichichika, kuetlaxkolistli, inakatlakakuakaj, ixteyolik, kuetlaxtli, yolojtli, omitl, ieltlapach, itlakuajka tlen tlakayopachtsitsij uan itlaloj tlen yolojtli
Katli yolseui. Ya uelis temajtiliski nakatlakuaualistli, tlalotl, ixteyoli, omitli, kuetlaxtli, itlakuajka tlen tlakayopachtsitsi uan yolotl itlalok.
Katli najan itstojke. Ya uelis temajtilise nopa imiyotika, ichichika, kuetlaxkoli uan itemetl.
